Endre Eide til Djerv 1919

Endre Eide (23) frå Husnes har signert for 4. divisjonsklubben Djerv 1919, og forlét med det Vedavåg etter éin sesong på Karmøy.

Den ambisjonsrike og unge fotballtrenaren signerte i fjor haust ein treårskontrakt med SK Vedavåg Karmøy, men har i følgje Haugesunds Avis nytta seg av ein klausul om å seia opp kontrakten før 1. desember.

Det etter å ha teke Karmøy-klubben opp til 4. divisjon på fyrste forsøk. Med seg til Djerv får han sin spelande assistenttrenar, Maid Memic, som banka inn 35 seriemål denne sesongen.