Ekeland signerte ny kontrakt med Os

Marius Tveit Nissestad

Marius Tveit Nissestad

marius@grenda.no

Publisert: 5. januar 2021, 17:00

Roger Blokhus Ekeland blir verande i Os dei neste to åra.

Den 26 år gamle målsniken vart Os sin toppscorar i sin første sesong for gultrøyene etter at han signerte for klubben i 2019. No er det klart at den tidlegare Trio-, Stord- og Sandnes-Ulf-spelaren blir verande på Kuventræ i to nye år.

– Roger har signert for to nye år, og det er vi veldig nøgde med. Når vi skal sjå etter spelarar utanfor Bjørnafjorden er Roger eit strålande eksempel. Han er profesjonell i alt han gjer, raus med dei rundt seg og sjølvsagt ein knakande god fotballspelar, skriv Os Fotball på sine Facebook-sider.