Ein heidersmann er gått bort

Paul Hovda er død, 81 år gamal. Han gjekk bort etter lang tids sjukdom. Den siste tida budde han på Rosendalstunet, kor familie og vener har besøkt han.

Paul var ein aktiv mann, han bobla over av engasjement og idear, og han står bak mange suksesshistorier, ei av desse er Energi Teknikk.

Paul var med og starte selskapet, og sat som aksjonær og styremedlem ei lang tid. Paul var aktiv i eigarskapet sitt, og han bidrog stadig med innspel og idear. Ein lærde stadig nye ting frå Paul, han var uredd, han var kreativ og han var direkte. Dette gjorde til at mange hadde stor glede av Paul.

I tillegg til etableringa av Energi Teknikk, var Paul involvert i mange andre selskap. Nettverket hans og hans evne til å koma i kontakt med folk, gjorde at han stadig var involvert i etablering av nye arbeidsplassar.

Vi har mykje å takka hans innsats for distriktsarbeidsplassar og nyskaping. Det har vore inspirerande å jobba saman med ein heidersmann som Paul. Fred over hans minne.

 

Av:

Eivind Tvedt med kollegaer i Energi Teknikk AS