Alf Eidsvik sluttar som dagleg leiar i Palfinger Marine. (Arkivfoto)

Eidsvik sluttar i Palfinger

Alf Eidsvik går av som dagleg leiar i Palfinger Marine Safety.

– Dette er ein prosess eg har brukt litt tid på før eg tok endeleg avgjer, seier Eidsvik i ei pressemelding frå livbåtprodusenten.

Artikkelen held fram under annonsen.

Han forklarar tidspunktet for avgangen med at timinga internt passa, og eit ynskje om å gjera noko anna.

Eidsvik vil halda fram med å hjelpa Palfinger i ein periode til, men har altså teke ei avgjerd om å trekka seg heilt ut av selskapet, heiter det i pressemeldinga.

– Det har vore ein spennande, krevjande og lærerik jobb. No sender eg stafettpinnen vidare til Reinhard Lund-Mikkelson. Eg ynskjer Palfinger, Seimsfoss og Ølve lykke til vidare, sluttar Eidsvik, som tok over jobben som dagleg leiar etter Styrk Bekkenes i september i fjor.

Reinhard Lund-Mikkelson blir ny leiar for Palfinger Marine Safety på Seimsfoss og i Ølve. (Arkivfoto)