Dugnad på turvegen til Sjethaug

Er du ein av dei som likar å ta turen til Sjethaug, så er du i godt selskap med mange andre. Gjesteboka viser at over 10.000 turgåarar er innom hytta i løpet av eitt år, og mange startar ved den vakre middelalderkyrkja, går gjennom tunet til grunneigarane Lars Johan og Elisabet, og vidare opp skogsvegen.

Mykje vatn og mange brukarar har gjort delar av skogsvegen nokså blaut og glatt. For å ta vare på denne flotte turvegen, er vi no saman med grunneigarane, og med økonomisk støtte frå Sparebank1-stiftinga Kvinnherad, i gang med rydding, grøfting og vøling, slik at det skal bli trygt og kjekt for små og store, gåande og syklande. Har du lyst å bidra, er du velkomen.

 

Av Øystein Skaala, for Rosendalstiftinga.