Det blir Festidalen 2020

Marius Tveit Nissestad

Marius Tveit Nissestad

marius@grenda.no

Publisert: 28. august 2019, 12:53

Etter eit vel gjennomført festival i 2019, har styret i Festidalen vedteke å halda fram. Neste år går arrangementet av stabelen den 26. og 27. juni.

– Jordet bada i sol og gostemning under årets arrangement. Artistar som Highasakite, Kvelertak, Gåte, ISAK og Janove sytte for dei forventa høgdepunkta. Men dei mindre kjende artistane fekk det til å kribla i nysgjerrigheita til kvinnheringane. Etter eit fantastisk år, jobbar gjengen i Festidalen for eit enno betre 2020! heiter det i ei pressemelding.

Festidalen starta opp tilbake i 2003, og har hatt eit lang og krunglete reise.

– Men alltid med ei djup framtidsoptimisme. Ønsket om å gje kvinnheringane ein nydeleg møteplass med både etablert, uetablert og moderne musikk er drivkrafta. Lukta av grill og gras. Synet av fjorden og fjella. Lyden av feit musikk. Og smaken av samhald og sommar, det er det som er Festidalen, heiter det i pressemeldinga.