Desse får til saman 7,8 mill. frå stiftinga
No er det klart kven som får tilskot i haustens tildelingsrunde hjå Sparebank1-stiftinga Kvinnherad.
Artikkelen held fram under annonsen.
I ei pressemelding onsdag ettermiddag opplyser styreleiar Svein Arne Eidsvik og dagleg leiar Daniel Morso at det totalt kom inn 139 søknader i haust. Stiftinga deler ut 7.845.000 kroner til lag og organisasjonar i Kvinnherad, Stord og Odda.
Dermed er totalen sidan oppstarten i 2011 komen opp i heile 108,7 millionar kroner. Av desse har 96,2 millionar gått til prosjekt i Kvinnherad, 6,7 til Stord, 5,7 til Odda og 175.000 til andre kommunar.
Dei største gåvene denne gong går til Rosendal Samfunnshus og prosjektet «Den nye møteplassen», Baroniet Rosendal og turløypa rundt Hattebergsfossen, Herøysund idrettslag til ljosanlegg, og Kvinnherad Skyttarlag til vedlikehald av skyttarhuset på Seim.
På grunn av koronarestriksjonane vert det ikkje skipa til noko stort tildelingsarrangement.