Denne gjengen inviterer til countryfest i Rosendal
For tredje året på rad inviterer Meirso Country Band til countryfest i samfunnshuset i Rosendal.
Laurdag 19. mai står Atle Fredheim, Mats Moland Træen, Stig Klette, Tor Øystein Havnerås og Per Bråtun frå Meirso Country Band på scena i samfunnshuset for å gje publikum ein real countryfest.
Artikkelen held fram under annonsen.
– Gutane har øvd i heile vinter og fått med seg Ove Gaassand på tangentar, så her vert det skikkeleg musikk å både høyra og dansa etter. Gullsmeden truar òg med konkurranse i hesteskokasting, og gjerne ei kåring av eitkvart utpå kvelden. Så det meste skulle liggja til rette for ein minneverdig kveld med både mykje dans og moro, og god mat og drikke, skriv bandet i ei pressemelding.