Anne Lise Bringedal, Marita Langesæter, Olaug Hatteberg, Ingeleiv Klette og Kari Leth ber deg hugsa demensaksjonen tysdag i neste veke.

Demensaksjon med helselaget

Tysdag tar Rosendal Helselag runden med bøsser for å samla inn til årets demensaksjon.

Det er helse i trim, og gjengen på fem frå Rosendal Helselag skal ut og gå denne dagen også. Men Anne Lise Bringedal, Marita Langesæter, Olaug Hatteberg, Ingeleiv Klette og Kari Leth har tid til å snakka om bøsseaksjonen.

– Det er er eit viktig felt å samla inn pengar til å forska på. Demens er ein veldig alvorleg sjukdom og vår nye store folkehelseutfordring. Fleire og fleire får det, og i følgje nasjonalforeininga for folkehelse, er det 78.000 som lever med demens i Norge i dag. Det treng å forskast på, seier Anne Lise Bringedal.

Artikkelen held fram under annonsen.

Til å hjelpa seg med å gå med bøsser, er eit knippe ungdommar frå Rosendal ungdomsskule som har «Innsats for andre» som valfag henta inn.

– Det er råd å vippsa eller senda sms, men me oppmodar folk å ha kontantar til å putta i bøssa, for då får me gitt vidare ein provisjon til dei som går med bøsser, seier Bringedal.

Av dei innsamla midlane går 70 prosent til forsking og 30 prosent til lokale tiltak.