Debuterte i Ironman

Marius Tveit Nissestad

Marius Tveit Nissestad

marius@grenda.no

Publisert: 6. juli 2019, 07:45

Trio stilte laurdag med tre deltakarar i Ironman 70.3 i Haugesund. Blant dei debutantane Trude Sundsteigen og Terje Nes.

Kenneth Blom, som tidlegare har delteke i fleire slike konkurransar, Terje Nes og Trude Sundsteigen representerte Trio i Ironman 70.3 i Haugesund laurdag. Eit langdistanse-triatlon som går over 70,3 miles.

Kenneth hadde som mål å kvalifisera seg til EM i Nice gjennom ei god plassering i sin klasse M55-59, og låg lenge godt an til det. Men eit punktert dekk etter 25 kilometer på sykkelsetet sørga for at han måtte kasta inn handklede, skriv Trio på sine heimesider.

Debutantane Trude og Terje nådde målsetninga om å kryssa mållinja før klokka viste høvesvis 6 og 5,5 time. Trude klokka inn etter sykling, symjing og springing på tida 5 timar og 48 sekund og vart med det nummer åtte i sin klasse, medan Terje vart nummer 26 med tida 5 timar og 23 minutt.

Terje Nes i fint driv. Foto. Gunnar Holm.
Trude Sundsteigen på veg mot mål. Foto: Gunnar Holm.