Dagsaktuell bokpresentasjon på Galleri G Guddal
Søndag kjem Trond Bakkevig til galleriet på Seim for å presentera boka si «Dagbøker fra Jerusalen – 20 år som brobygger mellom religion og politikk».
Bakkevig har sidan 1996 leia eit arbeid for samtalar mellom leiarar frå islam, jødedom og kristendom. Og kjem no med ei innsideberetning i bokform frå eit 20 år langt arbeid i fredens teneste i Midtausten.
«På utanriksdepartementet og Den norske kyrkje sine oppmodingar tok Bakkevig sjølv initiativ til å etablera ein religiøs bak-kanal der leiarar kunne møtast og snakka fortruleg om dei mange utfordringar som politikarar og diplomatar har late liggja», står det å lesa i pressemeldinga frå Galleri G Guddal.
Artikkelen held fram under annonsen.
Gjennom sitt arbeid har Bakkevig fått tittelen Jerusalem-ekspert, og var sist å sjå på NRK Dagsrevyen onsdag kveld, der han snakka om den nye situasjonen etter at Donald Trump anerkjende Jerusalem som hovudstad i Israel. Søndag kan du høyra han presentera si nye bok i Galleri G Guddal på Seimsfoss.