Dette vill-kirsebærtreet blømer allereie.

Dagens oppmuntring

«La ikkje motet søkke om himmelen er grå, bakom skyene er den alltid blå», heiter det i ordtaket. Og heldigvis har naturen i Kvinnherad nokre ljospunkt å by innbyggjarane for tida. På Halsnøy og på Hatlestrand, og sikkert andre stader også, har hestehoven blømd i kring to veker. Ved Toftebrekko på Halsnøy står elles eit vill-kirsebærtre i full blom.

– Treet byrja å bløma cirka 20. mars. Det er sikkert eit av dei fyrste trea i heile landet som blømer, for dette er svært tidleg, seier nabo Kurt Henriksen, som ser rett ned på treet frå huset sitt. Kurt sjølv måtte forresten slå plenen sin allereie for to veker sidan.

Artikkelen held fram under annonsen.

I fjellet er tilhøva fine for dei som likar snø, noko biletet frå Nautavatnet viser.

Tidleg hestehov: Denne hestehoven blømde langs vegen til Trones ved Toftevåg den 20. mars. (Foto: Kjersti Sæbø Henriksen).
Også på Hatlestrand har hestehoven for lengst dukka
opp. (Foto: Gunn-Bente Stølen).