Dag Sørås til 5460

Fredag 17. november kjem komikar Dag Sørås til 5460 på Husnes for å setja fart på lattermusklane til Kvinnherad-publikummet.

Marius Tveit Nissestad

Marius Tveit Nissestad

marius@grenda.no

13 september, 2017

– Dette blir bra. Dag Sørås er ein personleg favoritt, og ein vi trur passer veldig godt til publikum her i kommunen, seier Ronny Hamre.

Og gjengen bak 5460 Live ser på seg sjølv som heldige som har klart å lokka Narvik-mannen, som vart kåra til årets stand-up komikar under Komiprisen 2016, til Husnes.

– Han legg no ut på eit testshow for å prøva ut sitt nye materiale før hovudshowet i Oslo i februar neste år. Difor er det økonomisk meir gunstig, og gjer at vi kan invitera til ein stand-up kveld med ein av landets beste komikarar i baren, seier Ronny Hamre.

Han har allereie ommøblert for å finna ut kor mange billettar han kan selja, og med sofaen ute og stolar på rekke og rad kan han selja 170 billettar til hendinga.

– Kvinnheringar, meg sjølv inkludert, reiser jo titt og ofte til Bergen og andre byar for å få med seg eit humorshow. Så vi trur absolutt det er mogleg å få til noko slikt som dette her. Så blir det kjekt å sjå om baren er ein eigna stad å ha det, det ser i alle fall lovande ut, seier Ronny.

For å få det til å bli ein heilaftan dreg Sørås med seg ein mann som får i oppgåve å varma opp lattermusklane til publikum.

– Det blir eit show på halvanna time. Så avsluttar vi med musikk på kvelden. Vi gler oss stort. Fyrsteinntrykket på Facebook er at folk er positive, og det ser ut som at billettsalet skal gå bra, seier Ronny Hamre.