(Arkivfoto)

Comeback for Nuten Opp

Etter fem års fråvær er motbakkeløpet Nuten Opp no tilbake på konkurransekartet. Det som vertskap for norgescupavslutninga i motbakkeløp sesongen 2020.

– Det er mange som har etterspurt kva tid Nuten Opp skulle arrangerast igjen, så det er veldig kjekt at vi no har det tilbake, seier leiar Jostein Hatteberg i Rosendal Turnlag.

Artikkelen held fram under annonsen.

Han sit også som leiar i motbakkeløpsutvalet i Norges friidrettsforbund, men var erklært inhabil då utvalet skulle vurdera turnlaget sin søknad om å få Nuten Opp som eit offisielt norgescupløp i motbakke for 2020.

Ein søknad som vart raskt innvilga, og som betyr at Rosendal Turnlag 6. september skal arrangera avslutningsløpet i årets norgescup i motbakkeløp.

– Det er òg siste løp før VM i Lanzarote, som betyr at det er eit viktig uttaksløp til VM. Då kjem heile norgeseliten til Rosendal for å konkurrera, seier Hatteberg.

I tillegg til Nuten Opp er Folgefonna Opp også i år plukka ut som eit av dei fem offisielle løpa i årets norgescup. Det var dei for første gong i fjor, men sidan vêret sørga for at arrangøren måtte redusera løypelengda, får dei ein ny sjanse i år.

– Det er eit løp med så stor potensiale at dei får sjansen til å visa seg fram også denne sesongen, seier Hatteberg.

Startskotet for Folgefonna Opp går 8. august.