Cirkus Agora kjem til Uskedalen

Marius Tveit Nissestad

Marius Tveit Nissestad

marius@grenda.no

6 september, 2018

Søndag vert det både grasiøse luftnummer, morosame klovnar og halsbrekkande akrobatikk i Uskedalen. Då kjem det nemleg sirkus til bygda.

Sirkusdirektør Jan Kjetil Smørdal har med seg sjonglørar, akrobatar og klovnar frå både inn- og utland til Uskedalen når han inviterer til sirkus ved Rabben camping søndag.

Frå Spania har sirkusdirektøren med seg temposjongløren Tony Garcia. Ein mann som har imponert titusenvis av menneske i nokre av Europas største og mest anerkjente sirkus. Fotsjongløren Irena snur verda på hovudet og sjonglerer med beina, og Sandra, sist sett i NRK-programmet «Bli med heim», får du sjå der ho svingar seg i ei lysekrone høgt opp under sirkusteltet.

– Så må eit sirkus sjølvsagt ha ein klovn, men hos Agora har dei tre! Dei prisberømte klovnane Rivelinos er klare for å trimma lattermusklane til både store og små i Agora sitt telt. Og direktøren sjølv? Han er som alltid klar for å ynskja publikum hjartans velkommen til Cirkus Agora, og i år som alle andre år har han overraskingar på lur, står det å lesa i ei pressemelding.