Bli med på hagevandring

Hagelaget hadde treff i same hagen i mai, men no på seinsumaren ser hagen heilt annleis ut, ifølge Kvinnherad Hagelag.

«No bognar det av freistande nyttevekstar i mange variantar, dessuten av prydvekstar til å bli imponert over. Hagen er uvanleg flott komponert, og tomta godt utnytta. Ikkje berre med vekstar, men også med småhus, trapper, murar, hellelagde plassar og anna», skriv dei på Facebookgruppa si.

Gunvor og John Kåre har gjort mesteparten av arbeidet med hagen sin sjølve.

I tillegg til omvising i hagen vert det kafé, salsboder, vandring på eiga hand og godprat med kvarandre, kan Kvinnherad Hagelag avsløra. Både hagelagsmedlemar og hagelagsvener er velkomne.