Bronse til Henrik og Norge

Marius Tveit Nissestad

Marius Tveit Nissestad

marius@grenda.no

Publisert: 28. oktober 2019, 13:51

Henrik Tholo-Aasen og Norge sitt U19-landslag i volleyball slo Danmark i bronsefinalen i den nordeuropeiske meisterskapen søndag.

Denne helga gjekk den nordeuropeiske meisterskapen (Nevza) for U19-lag av stabelen i finske Lentopalloliitto. Her stilte Norge til start med Strand-Ulv-guten Henrik Tholo-Aasen i laget.

Dei opna med å slå Færøyane i gruppespelet, før dei tapte 3-1 mot Sverige i siste gruppespelkamp. Med det vart dei nummer to i gruppe B, og gjekk direkte inn i semifinalane laurdag.

Her venta vertsnasjon Finland på andre sida av nettet, og med god hjelp av publikum knuste finnane dei norske volleyballspelarane.

I bronsefinalen fekk Norge sin revansje då dei knuste Danmark 3-1 etter storspel. Med det vart dei det tredje beste U19-landslaget i Nord-Europa.