Brasilianske tonar på turisthotellet
Luzia Molina er ei spansk musikar med lang karriere bak seg. Dei tre siste somrane har ho vore i Rosendal, og har jamleg hatt intimkonserter på turisthotellet.
Luzia har brei musikalsk bakgrunn, men har særleg forkjærleik for brasiliansk musikk som bossanova og samba.
Artikkelen held fram under annonsen.
– Det er vanskeleg å ikkje la seg rive med av hennar song og eminente gitarspill. Ho framfører både eigenkomponerte låtar og musikk frå den «brasilianske songboka», ei blanding av standardlåtar og latinske rytmar, skriv Bjarne Øymyr i ei pressemelding i samband med konserten.
Fredag 5. juli stiller ho med ein ny trio på Rosendal turisthotell, med Bjarne Øymyr på piano og Alex Grieg på kontrabass. Dei er musikarar med lang erfaring frå mange ulike bandkonstellasjoner innan ulike sjangrar – ikkje minst innan jazz. Dei tre skal ha fleire konsertar no i juli, mellom anna i Bergen.