Brann i batteriferje på Sydnes:

Brannvesenet har kontroll på brannen

Håvard Sætrevik

Håvard Sætrevik

haavard@grenda.no

Sist oppdatert: 10. oktober 2019, 19:37

Marius Tveit Nissestad

Marius Tveit Nissestad

marius@grenda.no

Det har oppstått brann i eit batterirom i batteriferja MF «Ytterøyningen» som ligg til kai på Sydnes.

– Brannen har oppstått i eit batterirom under dekk. Men vi veit ikkje detaljar om bakken, størrelse på brannen og kor mykje skade som er gjort, seier operasjonsleiar i politiet Frode Kolltveit til Bergens Tidende.

Det var tre personar om bord då brannen oppsto, men ingen av dei har kome til skade.

Vest politidistrikt melder på Twitter at det er rekvidert fartøy med sløkkingsmoglegheiter i tilfelle det skal vera behov for det.

Dei melder også om at det ikkje er sett flammar. Personar som bur i området melder at det er ein god del røyk i lufta i området.

Den ti år gamle ferja, som i sommar vart bygd om til hybridferje, går i rute mellom Sydnes, Fjelberg, Borgundøy og Utbjoa. Eit samband som no er stengt for trafikk.

– Det kjem ikkje til å bli ferja i kveld, men vi jobbar for å få inn ein liten passasjerbåt, seier regionssjef Inge andre Utåker i Norled til BT.

Like før klokka 21.00 melder brannvesenet at dei har kontroll på brannen.

To av dei som var om bord er teken med til legevakt for sjekk.