Blir det NM-finale på Lars Kristian?
Lars Kristian Ekeland og TIF Viking har gode sjansar til å nå NM-finale før dagens semifinale heime mot Koll i Åsane Arena.
Laurdag ettermiddag spelar TIF Viking sine eliteherrar semifinale i cupen heime mot Koll i Åsane Arena. Her skal det avgjerast kven som går til året NM-finale i volleyball.
Artikkelen held fram under annonsen.
Etter å ha knust Koll 3-0 borte før jul, er sjansane store for at det blir blåtrøyene frå Bergen. Dei treng nemleg berre å vinna to sett for å sikra avansement. Men om Koll vinner kampen 3-0 eller 3-1 vil det heile bli avgjort i Golden set, skriv TIF Viking på sine Facebook-sider.
Sjølv om kampen vert spelt i nye Åsane Arena, legg koronaen ein dempar på den eventuelle festen. Kampen går nemleg for lukka dører og utan publikum i idrettshallen.
Skulle Lars Kristian og TIF Viking gå sigrande ut av duellen, er laget klare for sin 4. cupfinale på fem sesongar.