Rosendal Songlag opna konserten i samfunnshuset laurdag med «Ve no velkomne».

Kortreff gjekk så det song

Laurdag arrangerte Norges Korforbund Hordaland kortreff i Rosendal. Sjå biletserie her.

Marie-Louise Knoop
Journalist
Publisert Sist oppdatert

Heile 9 kor var samla i Rosendal i helga, og med «sangerhjørna», konsert på samfunnshuset og i Kvinnherad kyrkje var det mykje fin musikk å få med seg laurdag.

Kora som deltok var; Rosendal Songlag, Algrøy bygdakor, KORFUH, Sund blandakor, Tertneskoret, Alt for damene, Loddefjord Sangforening, Mannskoret Brage og SINTEF-koret.

Mannskoret Brage har for tida berre 8 aktive medlemmar, og hadde med seg gamle reserver frå t.d. Arnavågen Vass- og Sollaugarlaug, som opptredde med nokre songar på «sangerhjørna» i Varehuset Rosendal tidlig på dagen.

SINTEF-koret kom heilt ifrå Trondheim, og var med dette det einaste koret som kom frå nord for Bergen, kunne dirigent Iver Bogen Griffiths fortelja.

Sjå bilete her;

SINTEF-koret hadde reist heilt ifrå Trondheim for å vera med på kortreffet i Rosendal. -Det er utrulig gøy, og Rosendal er jo heilt nydelig, sa dirigent Iver Bogen Griffiths.
Arnavågen Vass- og Sollaugarlaug underhaldt med artige låtar. -Vi samlast kvar tysdag klokka 21.45 og nakenbadar og syng. Det er ein lyssky aktivitet, så det må skje på nattestid, fortalde koret til Grenda.
Fleire samla seg for å høyre musikk i Varehuset Rosendal.
Grenda møtte på Rosendal Songlag i garasjen på Varehuset Rosendal. Dei skulle øva på ei låt.
Rosendal Songlag opna konserten i samfunnshuset. Koret vart starta i 1883 og er eitt av dei eldste blandakora i Noreg.
Det var fullt i salen då Rosendal songlag opna konserten med songen «Ve no velkomne» av Geir Tveit.
Rosendal Songlag.
Sund blandakor vart starta i 1974 og har i dag 52 medlemmar. Dei song sanger om kjærleik, fridom og fred.
Solist i Sund blandakor framførte ein flott versjon av «Sommerfuggel i vinterland».
Loddefjord Sangforening vart starta i 1920, og er dermed 103 år i år. Dirigent er Anita Frekhaug.
Loddefjord Sangforening hadde med seg maskoten «Lodde».
Loddefjord Sangforening underhaldt med ein artig versjon av songen «Sway».
Mannskoret Brage starta opp i 1917 og hadde i sine storhetsdager over 60 medlemmar. No er dei berre 8 aktive medlem, og hadde med seg gamle reserver. Dirigent er Jan L. Jacobsen.
rosendal biletseriar biletseriar kultur
Powered by Labrador CMS