Det var folksamt utfor kulturhuset på Halsnøy laurdag føremiddag.

Folkefest på Sæbøvik

Den store krabbe- og rekefestivalen har vore eit høgdepunkt for mange kvinnheringar i om lag 27 år. I år er inga unntak.

Marie-Louise Knoop
Journalist
Publisert Sist oppdatert

Heile denne veka har kvinnheringar kunna ta turen på kjekke arrangement på Halsnøy. Alt ein kan tenka seg har vore arrangert, mellom anna quiz, konsertar og god mat.

Laurdag var det folksamt i Sæbøvik før piratshowet skulle gå av stabelen. Både i teltet der ein kunne få seg frukost og ved kulturhuset var det fullt i folk som gledde seg over fint vêr og kjekke aktivitetar.

Sjå biletserie her;

Det var fleire som nytta sjansen til å få seg litt frukost i teltet utfor Spar denne laurdagen.
Borte ved kulturhuset var det òg mykje folk. Her kunne ein få seg pølsa eller sukkerspinn, og sjå på alle dei gøye bodane.
Ein gjeng med piratar ventar på kapteinen sin.
Her kjem skuta! Men kvar er kaptein Hals?
Kaptein Hals kom til staden litt etter skuta, i ein liten robåt.
Alt gjekk ikkje etter planen, og matrosen gjekk på sjøen når dei skulle ankra opp.
«Detta kjem utav lønno di!», sa ein ilsint kaptein Hals.
Piratane sto klare og song då kapteinen entra skuta. Dei trudde dei skulle dyppa skuto, men kapteinen sa «nei, vi skal døypa ho!».
Skuto vart døypt til «Bon Scott», og kapteinen sa seg nøgd.
Kaptein Hals trengde litt hjelp til å koma seg over i robåten igjen. Sjøbeina er visst ikkje som dei var.
«Hå, hå, havets skrekk!», ropte kaptein Hals, før han mumla for seg sjølv «I alle fall havskrekk».
Kaptein Hals gjekk i land for å helsa på alle dei små pirat-lærlingane som sat rundt om.
Ein kaptein som klart er nøgd med oppmøtet.
Det var nok mange små piratar som kunne tenkt seg å vera ombord i skuta denne dagen.
Gøy med piratshow!
Matrosane song fint, sjølv om dei såg litt skumle ut.
Det var mykje kjekke bodar og aktivitetar å få meg seg denne laurdagen.
biletseriar biletseriar kultur halsnøy festival
Powered by Labrador CMS