Bil vippar på kant i Vikefjellsvegen

Naudetatane rykka onsdag føremiddag ut til ein bil som hadde køyrd av vegen ved Vikefjellsvegen i Teigen.

«Bil har trilla på kant og vippar», skreiv 110 Hordaland på Twitter klokka 12.25 onsdag. Politi, brannvesen og ambulanse rykte ut til staden etter meldinga.

Artikkelen held fram under annonsen.

– Det er ikkje snakk om nokon personskadar, seier lensmann Sigurd Børve i Kvinnherad lensmannsdistrikt.

Han fortel også at politiet vurderer å ta førarkortet frå sjåføren etter uhellet.

– Det er vurdert førarkortbeslag sidan bilen hadde sommardekk, meir kan eg ikkje seia no, seier Børve.