Bil på taket i Bosbrennerisvingane

Ein bil hamna på taket i Bosbrennerisvingane måndag kveld. Naudetatane rykka ut for å hjelpa.

Håvard Sætrevik

Håvard Sætrevik

haavard@grenda.no

7 august, 2017

I 19.30-tida på måndag vart ein bil totalvraka då han hamna på taket i Bosbrennrisvingane i Herøysundet.

Naudetatane rykka ut med både ambulansar, brannbil og politibilar.

– Det var ein person i bilen. Vedkomande vart lettare skada, og er frakta til sjukehuset på Stord for sjekk, melder politiet i Kvinnherad til Grenda.

Bilen var på veg utover då ulukka skjedde.

– Me har ingen indikasjonar på kva som har skjedd. Men det var veldig våt vegbane på ulukkestidspunktet, melder politiet.

Naudetatane kom raskt til staden og byrja å rydja vegbanen. (Foto: Carina Wangensten)