– Lurt å koma tidleg
Tradisjonen tru blir det vårmønstring på Husnes 1. mai, med utstilling og premieutdeling.
Publisert
– Det blir i grunn det same prinsippet som det har vore før. Vi skal ha nokre stander og litt sånt, men elles blir det veldig likt, fortel Stein Bjarte Kaldestad i Amcar Kvinnherad.
Dei siste to åra har det vore opp mot 300 bilar som har møtt opp på vårmønstringa, og i fjor var det om lag 1500 besøkjande.
Annonse
– Eg vil anbefala at dei som skal ha med bilen kjem litt tidleg i år, for vi har ikkje plass til uendeleg med bilar, fortel Kaldestad, og legg til;
– I fjor hadde vi bilar over heile sentrum, dei sto på gangstien og nede langs vatnet. I år skal vi bruka plassen utfor Mekk òg, så litt betre plass får vi.
Då er det berre å håpa på fint vêr neste onsdag.
