Autoslalåm på Husnes

Arrangementet blir halde 8. juni på parkeringsplassen til Hydro Husnes, og er eit samarbeid mellom NAF avd. Haugesund med omland og Amcar Kvinnherad, står det i pressemeldinga.

AutoSlalom er ein motorsport som er open for alle bilar som oppfyller vegtrafikklova og er i forskriftsmessig stand, utan bruksavgrensingar. Konkurransen går ut på å manøvrera bilen på kortast mogeleg tid gjennom ein bane med fartsreduserande hinder. Det vert sett opp ulike klassar, og dette vil gje ein spennande og utfordrande oppleving for både førarar og tilskodarar. Ikkje minst er det ein flott måte å teste køyreferdigheitene sine på i ei trygg og kontrollert setting.

Amcar Kvinnherad oppmodar folk til å ta med familien og vener til ei flott motorsportoppleving.