Bil i fjellveggen på Ænes

Marius Tveit Nissestad

Marius Tveit Nissestad

marius@grenda.no

Publisert: 12. september 2019, 07:00

Ein bil med to vaksne og tre barn køyrde i ein fjellknaus på Ænes torsdag klokka 01.33.

Naudetatane rykte i natt ut til Ænes etter melding om ei trafikkulukke.

– Bil har køyrd i ein fjellknaus. Del av bilen står i eine køyrefelt. Fem personar i bilen, to vaksne og tre barn. Alle er ute og det er ikkje opplyst om personskadar, skriv Vest politidistrikt på Twitter.

Dei involverte, to vaksne i 20-åra og tre barn i alderen 0,5 til fem år, vart køyrd til legevakt i Odda for nærare sjekk.