Avskilta to bilar
Statens vegvesen kontrollerte onsdag føremiddag 184 køyretøy på Seimsfoss. Av desse vart to avskilta.
184 køyretøy passerte onsdag skiltskannaren til Statens vegvesen. Av desse vart 22 køyretøy stoppa for nærare kontroll.
Artikkelen held fram under annonsen.
– To vart avskilta på staden. Ein lastebil hadde for stort overheng bak og måtte ordna det før vidare køyring, skriv Svein Gunnar Vintertun frå Statens vegvesen i ei pressemelding.
Elles vart det skriven ut tre gebyr. Eit for dårlege dekk, eit for å ikkje ha med førarkort og eit for manglande bruk av bilbelte.
Vegvesenet var også inne på to skulebussar for å kontrollera bilbeltebruken der.
– Det var veldig bra. Skryt til alle borna, skriv Vintertun avslutningsvis.