Øyvind Ousdal (t.v.) og Atle Josdal henta denne brannbilen heim til Rosendal 10. mai. (Foto: Kvinnherad brann og redning)

Aukar beredskapen med ny brannbil

Fredag 10. mai var Kvinnherad brann og redning i Flekkefjord for å henta heim ein ny bil til brannstasjonen i Rosendal.

Ein bil som går under kategorien «framskoten eining», ei eining som vert meir og meir vanleg i det norske brannvesen.

Artikkelen held fram under annonsen.

– Dette er ein mindre brannbil som kan sendast ut før dei tyngre køyretøya for å starta sløkkjearbeid eller redningsinnsats. Rosendal brannstasjon dekker arealmessigt eir stort område, med det passar denne bilen godt til denne brannstasjonen, seier brannsjef Atle Josdal.

Han var saman med varabrannsjef Øyvind Ousdal på plass hos Egenes Brannteknikk i Flekkefjord for å henta heim den nye doningen.

– Vi vil gratulera mannskapen i Rosendal med ein flott bil som vil vera med på å auka beredskapen for innbyggjarane i kommunen, seier Josdal.