Åtvarar mot livsfarlege piller
Etter eit dødsfall i Storbritannia, går politiet no ut med ei kraftig åtvaring til seljararar og kjøparar av ei bestemt ecstasy-pille.
Tollvesenet har teke beslag i eit større parti blå ecstasy-piller på veg inn i Norge. Pillene har trekantform og ein logo av ein hovudskalle frå filmen «The Punisher».
Artikkelen held fram under annonsen.
– Dette kan vera same type pille som har ført til to dødsfall i Storbritannia, skriv politiets nettpatrulje for Vest i eit innlegg på Facebook.
Vidare i innlegget, som også er delt av Politiet i Kvinnherad, skriv politiet at dei er kjend med at pillene har vore observert i Vest politidistrikt.
– Dersom du har fått tak i slike piller, ver snill og destruer dei på ein trygg måte. Ikkje bli ansvarleg for eigen eller andre sin død, åtvarar dei.