Åse Kleveland på Baroniet

Morten Nygård

Morten Nygård

morten@grenda.no

11 juli, 2018

Også dei neste dagane er det eit rikt kulturtilbod på Baroniet.

Åse Kleveland held konsert i Baroniet torsdag kveld. (Pressefoto).

Det byrjar med to konsertar med Maria Mena i kveld i Borggården. I morgon er det så klart for den årvisse konserten med Sondre Lerche. Han tek med seg gitaren sin til Den røde sal, men grunna den låge publikumskapasiteten der, er konserten allereie utseld.

På torsdag held Åse Kleveland med band konsert i Borggården. Den tidlegare kulturministeren (1990-96) har hatt mykje med Baroniet å gjera opp gjennom åra, både som statsråd og seinare som artist. Ho har elles vore kultursjef for OL på Lillehammer, leiar for Norsk musikarforbund, direktør i Tusenfryd, leiar av Likestillingsrådet, direktør for Svenska filminstitutet, direktør for Rikskonsertane og styreleiar i Human-etisk forbund.

Kleveland, som er utnemnd til kommandør av St. Olavs orden, gjorde på 70-talet stor suksess med visegruppa Ballade. Ho har i tillegg gitt ut fire soloalbum.