Årsbeste av Trio-jentene
Trio sitt J17-lag knuste Djerv 1919 heile 4-0 på Kvednabekkjen tysdag kveld.
Dei 17 år gamle raudtrøyene sparka tysdag kveld i gang andre del av den noko amputerte 2020-sesongen. Og det var ein revansjesugen gjeng som entra banen for å slå tilbake etter det sure 3-2-tapet borte mot Djerv 1919 i august.
Artikkelen held fram under annonsen.
Vertane styrte kampen frå start til slutt og var aldri i nærleiken av å sleppa Djerv 1919 til det heilt store.
Cecilie Medhaug opna ballet allereie i kampens fyrste minutt, før Annie Jørgensen dobla leiinga for heimelaget etter halvtimen. Etter sidebyte scora Julie Soma Ersland to til for Trio, som med det sendte gjestane heim til Karmøy med eit sviande nederlag i bagasjen.
Sigeren sendte Trio opp på ein 3. plass i 1. divisjon.