Arrestert fem år etter knivstikking

Marius Tveit Nissestad

Marius Tveit Nissestad

marius@grenda.no

10 oktober, 2018

For fem år sidan vart ein 18-åring knivstukken i halsen på Husnes, fyrst no har politiet arrestert ein mistenkt.

Det skriv Bergens Tidende onsdag føremiddag.

6. april 2013 vart ein 18 år gamal mann knivstukke i halsen på ei privatadressa på Husnes. Den unge mannen overlevde, og var såpass oppegåande at han stilte i avhøyr neste dag.

Seinare same natt vart ein person arrestert og sikta i saka, men vedkomande vart seinare lauslatt.

No skriv BT at politiet har arrestert og sikta ein mann i 20-åra i samband med knivstikkinga på Husnes for fem år sidan.

– Eg har ingen kommentar no, sa politiadvokat Kjersti Katrine Svendsen til BT onsdag.