Denne helga står damer og motorsag i sentrum hos Sandvik Landbruk. Då vert det nemleg eit eige motorsagkurs for damene. Her frå ein skogdag i april i fjor. (Arkivfoto)

Arrangerer motorsagkurs for damer

Denne helga arrangerer Sandvik Landbruk eit motorsagkurs for kvinner i Omvikdalen. Audun Lund Eik er hyra inn som instruktør.

Lund Eik er ein sjølvstendig næringsdrivande skogsarbeidar og motorsaginstruktør som til dagleg held til på Tysnes, der han driv Eik Skogservice. Kurset inneber grunnleggjande vedlikehald og sikkerheitsopplæring ved bruk av motorsag.

Artikkelen held fram under annonsen.

– Fredag ettermiddag vert det ei økt innandørs på Sandvik Landbruk, medan laurdagen vert ute i skogen i Sandvikjo, fortel Audun.

Kurset er tilrettelagd for brukarar av motorsag, både innanfor landbruket og tilsette innan e-verk, vegvesen, parkvesen med meir. Førebels er det fire påmeldte men det er framleis eit par plassar att.