Arnesen klar for Trio

Marius Tveit Nissestad

Marius Tveit Nissestad

marius@grenda.no

Publisert: 3. desember 2019, 12:43

Martin Arnesen har meldt overgang frå Rosendal til Trio.

17-åringen frå Uskedalen var ein av Rosendal sine aller beste spelarar i sesongen som var, neste sesong vert Husnes stadion heimebanen til midtbanespelaren, som i slutten av november melde overgang til Trio.

– Martin er ein bra fotballspelar som gjenspeilar det vi er ute etter. Han er ein treningsvillig gut som har lyst til å bli god i fotball. I tillegg så kjenner han mange av gutane godt frå før, sidan han har spelt i Trio tidlegare. Så dette blir bra, eg har veldig tru på han, seier Aleksander Ekeland.