Arne Torget vidare i Norske Talenter

Marius Tveit Nissestad

Marius Tveit Nissestad

marius@grenda.no

Publisert: 27. august 2019, 20:41

Arne Torget sitt dikt om manneinfluensa sette verkeleg fart på lattermusklane til både publikum og dommarpanel i tysdagens episode av Norske Talenter.

– Du kjem inn på scenen og får heile salen til å flira fleire gonger. Eg kjenne meg så til dei gradar igjen i det diktet ditt. Du er ein god og habil hobbylyrikar, sa ein imponert Bjarne Brøndbo.

Imponert var også Mia Gundersen.

– Det er ikkje tvil om at du er veldig god med ord, men det sterkaste for meg er at du får folk til å le, sa Mia Gundersen.

Etter det sa den eine dommaren etter den andre ja, og sendte ein jublande Arne Torget vidare i Norske Talenter.