– Arbeidet vil starta opp i slutten av oktober
Ænes Inkubator AS er klare til å starta bygginga av smoltanlegg på Ænes.
– Landmark Maskin AS har fått anbodet på grunnarbeidet, og arbeidet vil starta opp i slutten av oktober i år, skriv samfunnskontakt Eide Fjordbruk i ei pressemelding.
Artikkelen held fram under annonsen.
Bygginga av sjølve anlegget skal etter planen starta opp i løpet av andre kvartal 2019.
– Byggeperioden er planlagt til to-tre år, og selskapet håpar å starta produksjonen i anlegget i løpet av 2020, heiter det i pressemeldinga.
Ænes Inkubator skal sikra tilgang til smolt for eigarselskapa Eide Fjordbruk AS og Lingalaks AS, og vil med full utbygging gje om lag 15 arbeidsplassar.