Alvorleg skadd etter eksplosjon
Mannen, som vart sendt med luftambulanse til Haukeland universitetssjukehus etter ein eksplosjon like etter klokka 16 søndag, er alvorleg skadd.
Det melder Haukeland universitetssjukehus klokka 17.40 søndag kveld.
Artikkelen held fram under annonsen.
Alle naudetatane rykka ut etter melding om ein eksplosjon i Uskedalen søndag ettermiddag. Ein 45 år gamal mann vart sendt til Haukeland med lufambulanse med alvorlege skadar.
Kva som forårsaka ulukka er framleis ukjent. Men politiet vil halda fram med åstadsundersøkingar utover kvelden.
– Me kan ikkje stadfesta at det er propan som har forårsaka eksplosjnen. Det vart gjort arbeid då det eksploderte, og med kva kraft veit me ikkje enno. Men eksplosjonen påførte mannen skadar, spesielt riftskadar. Skadeomfanget er førebels ukjent for oss, men det at han vart sendt med luftambulanse seier sitt om alvorleggraden, kommenterer Vidar Litle-Kalsøy, politibetjent i Hardanger lensmansdistrikt, til Grenda.