Fangsten på nyttårsaftan. (Foto: Geir Remme)

Aldri har ungdomssenteret fanga meir småaure

I samarbeid med Sportsfiskaren Kvinnherad har Kvinnherad ungdomssenter dei siste åra fiska ut småaure frå Opsangervatnet. I 2019 sette dei rekord med ein fangst på 102,3 kilo.

– For spesielt interesserte kan vi fortelja at med 769 fiskar vart snittvekta i 2019 på 133 gram. Det er betydeleg høgare enn dei to førre åra, då det snittvekta låg på om lag 123 gram. Det skulast nok at vi i 2019 tok mykje gytefisk rett nord for Hellandselvas, så samanlikningsgrunnlaget er nok litt ubalansert, skriv Kvinnherad ungdomssenter på si Facebook-side.

Artikkelen held fram under annonsen.

I løpet av fjorårets utfisking sette ungdomssenteret ut igjen åtte aurar på over 300 gram, den største av dei var ein sjøaure på vel fire kilo.

– Og kor vert fisken av? Jo, rundt 85 prosent er delt ut på bygda, til glede for mange familiar, skriv ungdomssenteret.

Fisketuren på sjølvaste nyttårsaftan resulterte i ein fangst på 3750 gram, som var med på å fiksa at årsresultatet kom over 100 kilo.

 

Geir Ingvard Remme under fisket på nyttårsaftan. Ein fisketur som fekk Kvinnherad ungdomssenter over 100-kilogrensa i 2019. (Foto: Geir Remme)