Aktivitetsdag på KVV

13. februar arrangerer Kvinnherad vidaregåande skule aktivitetsdag med fokus på psykisk helse.

Av føredragshaldarar har dei fått med seg Antidoping Norge, politiet, skulepsykolog Sturla Helland, Stord kommune, Frisklivssentralen, forfattar Andreas Gravdal og elevrettleiar Dag Sigurd Gregersen. Tema dei skal innom er rusmiddel, sosial angst, nettvett, stressmeistring og fysisk aktivitet.

Tysdag 12. februar skal elevane òg sjå førestillinga «Det sorte gullet», av og med Arild Brakstad. Einmannsframsyninga er ein del av Den kulturelle skulesekken og handlar om eiga ungdomstid. Brakstad kallar det ei sjølv-psykologisk framsyning om korleis angst og tvangstankar kan ta heilt over livet, og korleis ein kan snu det til ei skapande kraft og klare å omfamna dei mørkaste tankar og kjensler. KVV ser på dette som høgaktuelle tema dei ynskjer å setja fokus på.