Adventskonsert i Helgheim

Torsdag kveld held Røysterett for alle adventskonsert i Helgheim.

Mari Mehl

Mari Mehl

mari@grenda.no

6 desember, 2017

– Publikum kan venta seg blanda drops: litt julesongar og litt anna. Eg håpar mange nyttar dette høvet til å gå på konsert, seier leiar i Røysterett for alle Lars Henrik Skogtun.

Dirigent Maria Malmsten leier også kulturskulen sitt barnekor Nattergalen, som også skal bidra på konserten. Det vert også tonar frå Kvinnherad folkemusikklag og song frå Sofie Amalie Øvstebø.

Skogtun lovar også ei utlodding med tidsrette premiar i løpet av kvelden.

– Nytt dette unike høvet til å sleppa unna Dagsrevyen, Farmen, Sinnasnekker’n og anna elende som TV renn over med, er oppmodinga frå Røysterett for alle.