Denne bygda kan få nytt namn
No skal det avgjerast om bygda skal heita Hatlestranda eller berre Hatlestrand.
Det er Språkrådet og Statens kartverk som har starta namnesak for to område i Kvinnherad; eit på Hatlestrand og eit på Halsnøy. For å ta fyrstnemnde fyrst: Bakgrunnen for at saka kjem opp er at Den norske kyrkja vurderer å slå saman sokna Hatlestrand og Ølve.
«… har Språkrådet teke opp namnesak for bygdenamnet Hatlestranda/Hatlestrand, som i dag har Hatlestranda som einaste godkjende skrivemåte», heiter det i eit brev frå Kartverket til Kvinnherad kommune.
Artikkelen held fram under annonsen.
No skal ein få avklart rett skrivemåte for offentleg bruk. Konkret gjeld saka følgjande namn med variantar av skrivemåtar:
* Hatlestranda/Hatlestrand, til dømes bygdelag.
* Hatlestrand barne- og ungdomsskule.
* Hatlestrand barnehage.
* Hatlestrand røystekrins.
* Hatlestrandsvegen, adressenamn.
* Hatlestrand, poststad.
* Hatlestrand og Ølve sokn / Ølve og Hatlestrand sokn.
Artikkelen held fram under annonsen.
* Hatlestrand kyrkje.
Klokkesteinen
I dei fem fyrste tilfella er Kvinnherad kommune vedtaksorgan. Kartverket bestemmer namnet på poststaden, medan dei to siste er det opp til Bispedømerådet i Den norske kyrkja å avgjera.
På Halsnøy gjeld saka om det skal heita Klokkesteinen/Klokkaresteinen (stein) og Klokkesteinsvegen/Klokkaresteinsvegen.
Begge sakene er no sendt ut på høyring, og alle kan koma med innspel. Fristen er 26. januar.