Oppdatert: Mannskap på plass - oppstart kl. 14.30

Trass i at nytt mannskap er på plass, tar det noko tid før ferja er klar til ordinær rutedrift av i sambandet Årsnes - Varaldsøy - Gjermundshamn.

– Fullt mannskap er no på plass, men det må gjennomførast naudsynt utsjekk før ferja kan setjast i trafikk med passasjerar. Forventa oppstart er tidleg ettermiddag, skriv Fjord1 i eit sms-varsel på vegner av Skyss.

I ei oppdatert melding frå Fjord1 varslar dei normal drift i sambandet frå kl. 1430.

Ruta det gjeld er Årsnes - Varaldsøy - Gjermundshamn, i ruteheftet merka som Rute 2. Ruta vart tidlegare onsdag morgon innstilt inntil vidare grunna kombinasjonen sjukdom på mannskap og reglar om kviletid for dei som er friske.