Podlen Kjernekraft AS

At kjernekraft har vert ei sak «ingen politikar ville ta i» har vert kjent lenge. Dei siste par åra har vinden snudd. I den forbindelse har vi i samarbeid med Norsk Kjernekraft AS etablert Podlen Kjernekraft AS på Husnes.

Podlen Kjernekraft AS er eit nyetablert energiselskap dedikert til å utvikla trygge og berekraftige kjernekraftløysingar for å møta framtidas energibehov. Med ein visjon om å fremja rein og påliteleg energiproduksjon, består selskapet av eit erfaringsrikt lag av ingeniørar, vitskapsfolk og miljøekspertar som samarbeider for å realisera dette målet. Dette er berre eit av mange kjernekraftselskap under oppsegling i Noreg.

Kjernekraftanlegget i Podlen kjem til å produsere straum tilsvarande 1000MW og årleg produksjon på omlag 8,5 TWh elektrisk kraft. Til samanlikning er dette meir enn to gangar forbruket til Hydro Husnes. Anlegget vert konstruert som ein moderne trykkvassreaktor (PWR), som kjent for påliteleg og trygg energiproduksjon. Kraftverket vert designa med fleire lag av tryggleikssystem og barrierar for å minimera risikoen for radioaktivt utslepp og sikra optimal drift.

Selskapet vil under full drift ha om lag 600 tilsette og vert dermed den nest største arbeidsgjevaren i kommunen. Går alt etter planen ser vi oppstarten av anlegget allereie i 2. kvartal 2028.

Reaktoren består av brenselstavar fylte med kjernebrensel, hovudsakleg uran-235. Gjennom kjernefysiske reaksjonar genererer reaktoren varme, som deretter nyttast til å produsera damp. Varmen som produserast, absorberast av ei kjølevæske som sirkulerer rundt brenselstavane. Denne varmen overførast til ei anna sirkulerande væske, som deretter nyttar varmen til å produsera damp. Dampgeneratoren tar imot varmen frå kjølesystemet og konverterer den til damp. Dampen driv deretter ei turbin som er kopla til ein generator, som genererer elektrisitet.

Avanserte kontrollsystem overvakar reaktorens drift og tryggleik. Desse systema kan automatisk justera reaktorens ytelse og trygga sikker nedstenging ved behov.

Planar for oppbygging i Podlen, Kvinnherad:

Podlen Kjernekraft AS har allereie sikra seg mogleg tomt for anlegget gjennom tomtekjøpet mellom Podlen og Grønnstøl. Gaute Lund, direktør for samfunnskontakt, ser til at selskapet samarbeider tett med Vestland Fylkeskommune, Kvinnherad kommune og ekspertar for å sikra naudsynte løyve og godkjenningar før bygginga tek til. Dette inneber grundige miljøvurderingar og tryggingsanalysar.

Byggeprosessen startar med grunnlaget for reaktoren og andre viktige strukturar. Anlegget blir bygd i tråd med strenge tryggingsstandardar og retningsliner. Reaktoren og anna naudsynt utstyr, som kjølesystem, dampgeneratorar og kontrollsystem, vil bli installert så snart løyvet føreligg.

Før anlegget blir sett i drift, vert det gjennomførd omfattande tryggleikstestar og simuleringar for å stadfesta at alle system fungerer korrekt.

Etter vellykka testing og godkjenning frå relevante myndigheiter, startar anlegget opp. Det blir nøye overvaka av eit dedikert driftslag for å tryggja sikker drift og optimal ytelse.

Forskings- og utviklingsarbeid:

Podlen Kjernekraft AS held fram med å investera i forsking for å forbetra teknologiane og tryggingsaspekta ved kjernekraft. Dette inkluderer arbeid med modulære reaktorar, thoriumsreaktorar og reaktorsikkerheit.

Selskapet har eit sterkt fokus på miljø og samfunnsengasjement. Det vert arbeidd aktivt med å minimera avfall og utslepp ved hjelp av avanserte reinsesystem og forsvarleg handtering av radioaktivt avfall. Samstundes samarbeider Podlen Kjernekraft AS med det lokale samfunnet for å spreia kunnskap om kjernekrafta sine fordelar innan klimarekneskap og miljø. Kjernekraft rundt om i landet vil fjerna behovet for vindkraft. I tillegg vert kraftforsyninga i landet sikra samstundes med at Co2 utslepp vert mindre fordi gass- og kolkraft i inn og utland vert fasa ut.

Hadde dette berre vore røynda. Det er nok berre ein draum eg har. Stem fram kjernekraft no.

Kjernekar og styreleiar

Karl Petter Vårdal