Folketalet aukar i Kvinnherad

Etter nedgang i fyrste kvartal, viser folketalet i andre kvartal ein positiv tendens.

Statistisk sentralbyrå har offentleggjort nye folketal. Oversikten viser at det i Kvinnherad ved utgangen av 2. kvartal 2023 budde 13.079 personar. Det er ein auke på 36.

I underlagsmaterialet finn ein at talet fødde var 36, identisk med talet som døydde. Med andre ord enda fødselsoverskotet på 0.

Innvandringa utgjorde 24 personar, medan utvandring bestod av 12. Såkalla innflytting innalandsk dreia seg om heile 86 personar, medan utflytting innalandsk gjaldt 62 individ. Nettoinnflytting vart dermed 36 personar, noko som såleis utgjer heile folketalsauken dette kvartalet.

Ved årsskiftet budde det ifølgje SSB 13.058 personar i Kvinnherad. Dette talet minka med 15 i fyrste kvartal i år.

Vi kan ta med at Vestland fylke no vaks med 670 personar til 648.505. I heile Norge er det 5.514.042 innbyggjarar, noko som er 9.700 meir enn i fyrste kvartal.

Sidan starten av 2022 utgjer innvandring frå Ukraina 46.000 personar.