Ferdig reparert i natt - normal drift på sambandet

Om lag 15 timar etter at hydraulikken til køyrebrua på Gjermundshamn kai svikta, kunne trafikken i sambandet takast opp igjen.

Det var normal drift på sambandet frå avgangen 0450 måndag morgon. Då hadde sambandet vore stengt sidan kl. 13 søndag, etter at eine sylinderen som er med på å løfta køyrebrua opp og ned tilsynelatande knekte før ferja skulle leggja inn til Gjermundshamn.