Svar til Nina Skjelnes og Ann Kristin Næss
I eit lesarinnlegg spør Skjelnes og Næss om folk på Varaldsøy bør stemma på Arbeiderpartiet til hausten. Eg seier JA og forklarar kvifor her!
Dersom du ynskjer at lærlinggarantien skal fortsetja og utvidast bør du velja Arbeidarpartiet.
Artikkelen held fram under annonsen.
Dersom du ynskjer at heiltidsfokuset skal fortsetta bør du velja Arbeidarpartiet.
Dersom du vil at dei eldre på sjukeheimane skal kjenna seg trygg på personalet og at det er nok folk på jobb bør du velja Arbeidarpartiet.
Dersom du ynskjer at næringslivet skal utviklast bør du velja Arbeidarpartiet.
Dersom du trur på det idelogiske fundamentet i politisk arbeid bør du velja Arbeidarpartiet.
Dersom du ynskjer at me fortsett skal ha gratis SFO og få gratis barnehage bør du velja Arbeidarpartiet!
Kva har Arbeiderpartiet gjort for Varaldsøy?
Jo, Arbeiderpartiet har vore med og bidra til å fullfinansiere nytt tak på Heimly.
Arbeiderpartiet har vore med og løyva 15 millionar kroner til vegvøle på Varaldsøy for i år og til neste år.
Artikkelen held fram under annonsen.
Arbeiderpartiet har vore med og jobba fram prøveordning med snøggbåtstopp på Varaldsøy. Her er målet vårt å få til ei varig ordning med eit betydeleg betre tilbod enn me får til i prøveperioden. For oss er ein del av målet med snøggbåtruta at me skal få betre kommunikasjon i kommunen, det skal bli enklare å pendla og besøka kvarandre.
Om barnehagetilbodet:
Saka dreier seg om at det per i dag er to barn i barnehagen på Varaldsøy. Desse to borna har i praksis gått fast i barnehagen på Hatlestrand, fordi personell frå barnehagen på Varaldsøy har følgt dei over. På den måten har borna fått høve til å leike med fleire born og få fleire vener. Foreldra likte denne ordninga og ønska den vidare, til og med når barn nummer tre skal begynne i barnehagen i 2024.
Det som gjorde at Arbeidarpartiet syns at saka var vanskeleg var at det var uklart kven som skulle ha ansvar dersom det skjer noko på ferjeturen over, eller dersom alt personell som jobbar i barnehagen på Varaldsøy sluttar, kven skal følgja då? Kommunestyret har vedteke at når det er færre enn tre born i ein barnehage så skal den leggjast ned. Me vil barnets beste, barna treng fleire leikekameratar og eit større sosialt miljø, det får dei på Hatlestrand.
Godt val, og bruk røysteretten!
Thea Vaage
Ordførarkandidat Kvinnherad Arbeidarparti