Tradisjonell amerikansk country
Jon Kolden er blitt kalla ein av Skandinavias fremste artistar innan tradisjonell countrymusikk. No får du sjansen til å oppleva han live.
Både fredag og laurdag i jonsokhelga serverar Kolden ekte country på Snikkeriet.
«Jon Kolden er sterkt påverka av artistar som Johnny Cash, Vern Gosdin, Don Williams, George Strait og George Jones, for å nemna nokon. Det er rotete country som ligg artisten nærast. Repertoaret hans strekk seg frå songar av kjende og kjære countryartistar til hans eigne låtar», står det i ei pressemelding frå Snikkeriet.
Artikkelen held fram under annonsen.
Albumet «Forever Me and You» fekk stor merksemd både i Noreg og andre land. I 2021 gav han ut albumet «My Kind of Country» og i 2022 følgde albumet «Country Standard Time» på.
Kolden har mellom anna samarbeida med Arne Benoni og amerikanske Georgette Jones, som er dotter til countrylegendene Tammy Wynette og George Jones. I tillegg har musikken hans blitt spelt i beste sendetid på countryradio i USA.
«Når Kolden entrar scena er det inga tvil. Her er det ekte, tradisjonell amerikansk country som vert servert», heiter det i pressemeldinga.