Tina på månadens lag igjen

Tina Abdulla fortset med å markera seg i Eliteserien i handball.

For andre månad på rad er Tina Abdulla frå Husnes kåra til den beste høgre kant-spelaren av Norsk Topphåndball. I mars var ho den einaste spelaren frå Storhamar som fekk den æra.

«Tina Abdulla er med på månadens lag for andre gong denne sesongen. Med 25 mål på 35 skot og 1 assist viser ho seg som ein målfarleg spelar og ein viktig bidragsytar for sitt lag. Abdulla har ein utteljingsprosent på heile 71,43%, noko som vitnar om hennar evne til å setja sjansane ho får. Snitt MEP pr kamp: 2,76», grunngjev Norsk Topphåndball.