Får fornya landslagstillit
Ragnhild Femsteinevik held fram som landslagsløpar, melder Norges Skiskytterforbund.
– Me er først og fremst stolte over å ha så mange dyktige og hardtarbeidande skiskyttarar i Norge. Det gror godt nedover i rekkene, og på U23-lagene er det fleire nye, spennende namn som me gler oss til å bli betre kjente med, fortelPer Arne Botnan, landslagssjef i Norges Skiskytterforbund, i samband med at landslagstroppane for den komande sesongen vart presentert på fredag.
Då Grenda snakka med Ragnhild like etter VM, følte ho seg trygg på at ho hadde landslagsplassen i 23/24-sesongen også.
Artikkelen held fram under annonsen.
– Eg ser fram til å få ein skikkeleg forsesong med trening og oppkøyring, noko koronaen i fjor hindra litt. Eg føler meg trygg på at eg har plassen på landslaget til neste år også. Det har vore veldig kjekt i år, kjekt å vera i lag med gjengen og eg gler meg til å reisa på tur, sa Hålandsdalen-løparen til Grenda.
Med seg på elitelaget for kvinner har Ragnhild Femsteinevik:
Juni Arnekleiv, Dombås IL
Maren Hjelmeset Kirkeeide, Markane IL
Karoline Knotten, Vingrom IL
Ida Lien, Simostranda IL
Ingrid Landmark Tandrevold, Fossum IF